Кадрлық
әлеует

Компанияның Кадр саясаты (бұдан әрі – Кадр саясаты) жоғары нәтижелерге қол жеткізуге және меритократияға бағытталған тиімді корпоративтік мәдениет арқылы «KEGOC» АҚ Даму стратегиясын іске асыруды қамтамасыз ететін зияткерлік және кәсіби ресурс ретінде кадрлық әлеуетті қалыптастыруға бағытталған.

2020 жылғы 31 желтоқсандағы жай-күй бойынша Компания қызметкерлерінің (ЕҰ есепке алғанда) тізім бойынша саны 4 731 адамды құрады.

Қызметкерлердің жасы бойынша құрылымы, жас

Компанияның кадр саясаты қағидаттарының бірі құзыреттілік моделі мен лауазымға қойылатын талаптарға негізделген іріктеудің айқын және ашық өлшемдері, конкурстық рәсімдердің сақталуы, қабылданатын шешімдердің негізділігі, персоналды жалдаған кезде дұрыс шешім қабылдауға мүмкіндік беретін әрбір лауазым үшін релевантты кандидаттарды бағалау әдістемесін қолдану, қысымшылықтың болмауы, барлық кандидаттарға кәсіби, ашық және құрметпен қарау арқылы меритократия қағидаттары негізінде ашықтық пен айқындық болып табылады. Бос лауазымға орналасу кезінде ішкі кандидаттар сабақтастық бағдарламаларын іске асыру, дарындарды басқару және кадрлық резерв негізінде басымдыққа ие.

«KEGOC» АҚ барлық үміткерлерге олардың ұлттық және нәсілдік тегіне, жынысына, жасына, отбасылық және әлеуметтік жағдайына немесе басқа да ерекшеліктеріне қарамастан тең мүмкіндіктер ұсынады.

Персоналдың тұрақтамауы, %

«KEGOC» АҚ персоналды оқыту мен дамыту процесіне үлкен мән береді және мына қағидаттарды басшылыққа алады:

• оқытудың тиімділігі және нәтижелілікке бағыттану, Компания қызметінің тиімділігін арттыруды қамтамасыз ететін нақты міндеттерді шешу;
• оқыту мен дамудың озық сипаты – Kомпанияны дамытудың стратегиялық мақсаттарын қолдау;
• орындылығы – оқыту бағдарламаларын таңдау қызметкерлердің алдына қойылған мақсаттар мен міндеттерге сәйкес;
• даму жүйесінің біртұтастығы, оқытудың үздіксіздігі және жүйелілігі.

Персоналды оқыту қазіргі заманғы оқыту әдістерінің бүкіл спектрін – бизнес-практикумдар, семинарлар, тренингтер, тағылымдамалар, біліктілікті арттыру, кәсіби даярлау мен қайта даярлау бағдарламалары, форумдар, конференциялар түрлерін қолданумен өткізіледі. Есептік жылы 2076 қызметкер оқыды, бұл қызметкерлердің тізімдік санынан 43,9%-ды құрайды. «КЕGOC» АҚ-ның 2020 жылы оқуға жұмсаған нақты шығындары 156,9 млн теңгені немесе жоспардың 47,0%-ын құрады, бұл 2019 жылы орындалғаннан 38,9%-ға төмен.

Оқытудың орташа жылдық саны 1 қызметкерге 23,1 сағатты құрады, соның ішінде ӘБП қызметкерлері үшін – 24,1 сағат, ӨП қызметкерлері үшін – 23,0 сағат.

Бір ер қызметкерге оқыту сағаттарының орташа саны – 22,9 сағат, әйел қызметкер үшін – 26,3 сағат.

Жалпы оқыту сағаттарының саны 90 122 сағатты құрады, соның ішінде ер қызметкерлер үшін – 82 477 сағат, әйел қызметкерлер үшін – 7 645 сағат; ӘБП – 9 823 сағат, ӨП  – 80 299 сағат.

Волонтерлік

«KEGOC» АҚ үшін карантин кезеңінде жүргізілген корпоративтік волонтерлік қозғалыс өте маңызды шара болды.

Елде Төтенше жағдай жарияланған кезеңде барлық бөлімшелерде #KEGOCБіргеміз бірыңғай ұранымен волонтерлік науқан басталып, қиын жағдайға тап болған адамдарға қолдау көрсету бойынша, соның ішінде «KEGOC» АҚ Жастар істері жөніндегі кеңестің 2020–2022 жылдарға арналған іс-шаралар жоспарына сәйкес бірқатар іс-шаралар өткізілді. Компания қызметкерлері үнемі азық-түлік себеттерін, дәрі-дәрмектерді жеткізу немесе қаржылай қолдау түрінде көмек көрсетті.

Акцияға барлығы 319 зейнеткер мен аймақтардағы 58 аз қамтылған және толық емес отбасылар қамтылды. Сонымен қатар, «KEGOC» АҚ қызметкерлері Нұр-Сұлтан қаласындағы «Гауһар» және «Almaty-2» балабақшаларының аумағын қардан тазартты. Сонымен қатар «Энерготехкәсіподақ» ҚБ-ның қолдауымен Компания «KEGOC» АҚ 59 ардагеріне және оларға теңестірілген адамдарға 5 миллион теңгеден астам сомаға материалдық көмек аударды. Сонымен қатар, Жеңіс күні қарсаңында Жастар ісі жөніндегі кеңестің қатысуымен құттықтаулар және ардагерлерге азық-түлік себеттерін жеткізу шаралары ұйымдастырылды, ал жекелеген өтініштер бойынша үй шаруашылығына көмек көрсетілді: кішігірім жөндеу жұмыстары жүргізілді, қозғалуға қажетті көмекші құралдарды және т.б. сатып алуға көмектесті.

Биылғы жылы өткізілген басқа да акциялар мен іс-шараларды, сонымен қатар аймақтар мен Компания ішіндегі мұқтаж жандарға көмек пен қолдау көрсетуге қатысты акциялар мен іс-шараларды атап өту қажет. Олардың ішінде:

• маусым айының басында «Ұлттық волонтерлік желіні» ұйымдастырушылармен бірлесе елордадағы шұғыл көмекті қажет ететін отбасыларына азық-түлік (200 себет) жеткізуге көмектесті;
• «Алматы ЖЭТ» филиалының қызметкерлері өз бастамаларымен Талдықорған қаласындағы 18 мұқтаж отбасыға гуманитарлық көмек ұйымдастырды. Волонтерлер азық-түлік, ең қажетті деген тұрмыстық заттар себетін жинап, оларды отбасылардың мекен-жайларына жеткізді;
• «Солтүстік ЖЭТ» филиалында өрттен зардап шеккен әріптесімізге материалдық қолдау көрсетті;
• «Батыс ЖЭТ» филиалында жастар қорғаныш маскаларын тігіп, ұжымда таратты;
• «Ақтөбе ЖЭТ» филиалында Түркістан облысында су тасқынынан зардап шеккендерге гуманитарлық көмек жиналды және ұсынылды;
• «Алматы ЖЭТ» филиалында Халықаралық әйелдер күні қарсаңында Онкологиялық диспансердің пациенттеріне шағын сыйлықтар мен құттықтауларды табыстау шарасы ұйымдастырылды. Карантин кезеңінде филиал жастары қорғаныс маскаларын сатып алып, тарату үшін қаражат жинады;
• Компанияның қызметкерлері 31 шілдеде «Самұрық-Қазына» АҚ портфелдік компанияларының Құрбан айт мерекесін тойлауға арналған волонтерлік акциясына қатысты: азық-түлік қораптары көп балалы және аз қамтылған 11 отбасына таратылды;
• «KEGOC» АҚ Жастар кеңесі елордалық №35 мектепке 25 компьютерді табыстады;
• тамыз айында «Мейірім шуағы» қоғамдық қоры ұйымдастырған «Мектепке жол» акциясына Оңтүстік ЖЭТ филиалының белсенді волонтерлері қосылды. Шымкент қаласындағы көпбалалы және аз қамтылған отбасылардан шыққан 7 оқушыға оқу құралдары берілді;
• 1 қазанда «KEGOC» АҚ Халықаралық қарттар күніне арналған қайырымдылық акциясына қатысты. «Самұрық-Қазына» АҚ әр түрлі портфельдік компанияларының жастары азық-түлік себеттерін жинақтап, оларды астананың ардагерлері мен зейнеткерлеріне жеткізу үшін бірікті;
• 9 қарашада Нұр-Сұлтан қаласында Атқарушы дирекция мен «Ақмола» ЖЭТ филиалының қызметкерлері жыл сайынғы «Донор бол! Өзгеге өмір сыйла!» акциясына қатысты;
• 16 қарашада Компания қызметкерлері үйлері өртеңген соң қиын жағдайға тап болған көпбалалы отбасына материалдық көмек көрсетті;
• қараша-желтоқсан айларында «Жылулық сыйла» акциясы аясында «Оңтүстік ЖЭТ» филиалының волонтерлары мұқтаж отбасыларды көмірмен қамтамасыз етті, «Ақмола ЖЭТ» филиалы мен АД волонтерлері елордада тұратын жалғыз басты қарт кісілер мен көп балалы отбасылардың үйлеріне көмір жеткізу және түсіру жұмыстарына қатысты;
• 22 желтоқанда Компанияның волонтерлары астанадағы онкологиялық орталықтың 11 кішкентай пациентіне қолдау көрсету үшін «Сиқырлы шырша!» акциясын өткізді. Балалардың тілектеріне сәйкес сыйлықтар мен тәтті тағамдар сатып алынды, сонымен қатар «KEGOC» АҚ қызметкерлері атынан тезірек сауығып кету туралы тілектер жазылған хаттар дайындалды;
• 24 желтоқсанда «Орталық ЖЭТ» филиалының волонтерлары мен белсенді жастары «Аяла» қорымен бірлесе отырып, Қарағанды қаласындағы аз қамтылған 200 отбасыға тарату үшін 5 тонна азық-түлікті қораптарға салды;
• 25 желтоқсанда Компанияның волонтерлары Нұр-Сұлтан қаласы мен Алматы қаласындағы көп балалы отбасыларына «CompforChildren» 31 компьютер мен 14 принтерден тұратын ұйымдастыру техникасын тарату акциясына қатысты.

2020 жылы «Энерготехкәсіподақ» ҚБ Қазақстан Республикасы Еңбек және халықты әлеуметтік қорғау министрлігінің жұмыс тобының мүшесі ретінде Қазақстан Республикасының Әлеуметтік кодексі, Бас келісім жобаларын әзірлеуге белсенді түрде қатысты.

2021 жылы біздің кәсіподақ салалық комиссияның мүшесі ретінде 2021-2023 жылдарға арналған салалық келісімді әзірлеуге қатысады, алдағы уақытта Қазақстан Республикасының Еңбек кодексі мен «Кәсіподақтар туралы» Қазақстан Республикасының Заңына өзгерістер мен толықтырулар енгізу жөніндегі жұмыс тобында бірлесе үлкен жұмыс атқаратын болады.